Намояндаҳои Ҷоми Амрико-2020 рамз (логотип)-и ин чемпионатро, ки дар кишварҳои Аргентина ва Колумбия баргузор мешавад, расман муаррифӣ намуданд. Дар рамзи мазкур ранги парчамҳои кишварҳои мизбон, майдони сабз ва офтоб вонамуд шудааст. Ҷоми Амрико-2020 аз 12-уми июн то 12-уми июли соли 2020 баргузор мешавад. Аввалин маротиба бозиҳои Ҷоми Амрико яку якбора дар ду кишвар доир мешаванд. Дар ин мусобиқа иштироки 12 кишвар дар назар аст.