Федератсияи байналмилалии футбол (ФИФА) дар сомонаи расмиаш рамзи Чемпионати ҷаҳон-2022, ки дар кишвари Қатар баргузор мешавад, мунташир намуд. Хатҳои каҷӣ рамз маънидоди регҳои қумиро доранд, ҳалқаи пайваста бошад, дар шакли шумораи 8 иҷро шудааст, ки маънои 8 варзишгоҳи мизбони Чемпионати ҷаҳон ва инчунин бепоёниро ифода мекунад. Ҳалқае, ки элементи марказии рамз мебошад, на танҳо шакли ҷоизаро такрор менамояд, балки бо куфия – кулоҳи анъанавии мардуми Халиҷи Форсро илҳом бахшидааст. Ҳуруфи рамз аз навиштаҷоти анъанавии мардуми Араб гирифта шудааст. Чемпионати ҷаҳон 2022 аз 21-уми ноябр то 18-уми декабр дар кишвари Қатар баргузор мешавад. Ин нахустин Ҷоми ҷаҳон мебошад, ки дар тобистон не балки дар зимистон баргузор мешавад.