Бошгоҳи футболи «Истиқлол»-и шаҳри Душанбе бозии сеюми пайиҳами худро дар Лигаи Чемпионҳои 2-и Осиё бо нокомӣ ҷамъбаст кард.  
Ин навбат душанбегиҳо дар майдони варзишгоҳи марказии пойтахти кишвар зидди “Ал-Ваҳдат”-и кишвари Урдун бозӣ намуда, бо ҳисоби минималии як бар сифр шикаст хӯрданд. Голи ягонаи дидор дар дақиқаи 51-ум аз ҷониби Файсал ба самар расонида шуд.
Ҳамин тариқ, “Истиқлол” баъди сеюми бохти паиҳам дар се бозии марҳилаи гурӯҳӣ имконияти баромадан аз гурӯҳро аз даст дод. Дар ду бозии пешини марҳилаи гурӯҳӣ бошад "Истиқлол" аз тимҳои "Ал-Шарҷа"-и АМА ва "Сипоҳон"-и Эрон дучори шикаст шуда буд.