Сармураббии тими миллии Нидерландия Роналд Куман изҳор дошт, ки гузаштани Мемфис Депай ба дастаи “Коринтианс”-и Бразилия ба эҳтимоли зиёд ба даъватҳо ба тими миллӣ таъсире нахоҳад дошт.
"Ман аз рафтани Бергвейн ба Арабистони Саудӣ розӣ набудам, бо Мемфис ин масъала метавонад дигар хел бошад. Дараҷаи лигаи Бразилия дигар аст. Пас, бале, Депай ҳоло ҳам метавонад як қисми тими миллӣ бошад, аммо ин аз омодагии ӯ ва расидан ба сатҳи худ вобаста аст», - гуфтааст Куман.
Қаблан Роналд Куман аз тасмими Бергвейн дар бораи идомаи карерааш дар Арабистони Саудӣ интиқод карда, гуфта буд, ки футболбоз пулро бар ивази варзиш интихоб кардааст. Илова бар ин, Роналд эълон кард, ки Бергвейнро ба тими миллӣ даъват намекунад. Ба гуфтаи Романо, Депай ба зудӣ бозигари дастаи “Коринтианс” мешавад.
