Суперситораи дастаи "Ал-Наср" Криштиану Роналду ба ҳайати тими миллии кишвараш барои бозиҳои дарпешистодаи Лигаи Миллатҳо бо Хорватия ва Шотландия дар рӯзҳои 5 ва 8 сентябр даъват шудааст.
Футболбози 39-сола дар рӯйхати 25 бозигаре аст, ки сармураббӣ Роберто Мартинес даъват кардааст.
Соли 2015 Роналдуро Федератсияи футболи Португалия беҳтарин бозигари таърихи футболи Португалия эътироф кард. Якҷоя бо тими миллӣ дар соли 2016 қаҳрамони Аврупо шуд.
Ёдовар мешавем, ки Криштиану дар мавсими 2022/2023 аз “Манчестер Юнайтед” ба “Ал-Наср” гузашт. Дар ду даври аввали мавсими нави қаҳрамонии Арабистони Саудӣ ҳамлагари португалӣ ду гол зада, як ассист анҷом дод.