Бошгоҳи “Реал Мадрид” аввалин клуби футболиест, ки даромади солонааш аз 1 миллиард евро гузашт.
Даромади амалиёти бошгоҳи шаҳри Мадрид барои соли молиявии 2023/24, ба истиснои интиқолҳо, 1,073 миллиард евроро ташкил дод, ки нисбат ба соли молиявии қаблӣ 230 миллион зиёд аст.
Дастаи “Реал Мадрид” дар соли молиявии гузашта, 16 миллион евро фоидаи соф ба даст овард.
Сармояи бошгоҳи шоҳона 574 миллион евро аст.
Ёдовар мешавем, ки мавсими гузашта «Реал Мадрид» таҳти роҳбарии Карло Анчелотти ғолиби Лигаи Чемпионҳо, Чемпионати Испания ва Суперҷоми Испания гардид.