Бошгоҳи шоҳонаи “Реал Мадрид” бо Лукас Васкес барои якмавсими дигар то соли 2025 тамдиди шартнома кард. Дар ин бора дафтари матбуотии бошгоҳи шоҳонаи “Реал Мадрид” хабар додааст.
Васкеси 33 сола аз соли 2010 дар ҳайати тими шаҳри Мадрид бозӣ мекунад ва дастпарвари дастаи “Реал” мебошад.
Ёдовар мешавем, ки дар мавсими гузашта, дар тамоми мусобиқаҳо Васкес дар 38 бозӣ ба майдон омода, 3 гол ва 8 ирсоли головар анҷом додааст. Лукас дар давоми 9 мавсими ҳунарнамоӣ дар ҳайати “Реал” ба гирифтани 21 ҷоиза, 5 ҷоизаи Лигаи Чемпионҳо, 4 ҷоизаи Ҷоми Ҷаҳонии бошгоҳҳо, 3 ҷоизаи Суперҷоми Аврупо, 4 ҷоизаи Ла Лига, 1 ҷоизаи Ҷоми Испания ва 4 Суперҷоми Испания гардидааст.
Лукас Васкес дар ҳайати “Реал” дар умум 349 бозӣ анҷом дода, ба задани 36 гол мушарраф гардидааст.