LIVE

Испания дар финали Ҷоми ҷаҳон-2023

Дар варзишгоҳи «Эден Парк»-и шаҳри Окленди Зеландияи Нав бозии даври ниманиҳоии Ҷоми Ҷаҳон оид ба футбол миёни бонувон мунтахабҳои Испания ва Шветсия дар ҳузури 43 217 нафар мухлис баргузор шуд.
Қисми аввали бозӣ бидуни гол ба поён расид. Даҳаи охири қисми дуюми бозӣ бисёр ҳам тезу тунд ҷараён гирифт. Дар дақиқаи 81-ум бо голи Салма Паралуэло футболбозбонувони Испания дар ҳисоб ба пеш баромаданд. Пас аз ҳафт дақиқа Ребека Бломквист аз ирсоли головари Лина Хуртиг истифода бурда, ҳисобро баробар кард. Бо гузаро шудани як дақиқа Испания боз ба пеш баромад. Олга Кармона ҳисоби бозиро 2 бар 1 ба нафъи Испания кард. Бо ҳамин натиҷаи 2 бар 1 бозӣ ба нафъи мунтахаби Испания ба анҷом расид. Футболбозбонувони Испания тавонистанд, ки бар яке аз муддаиёни асосии мусобиқа ғалаба карда, ба даври ниҳоии мусобиқа роҳ ёбанд. Шветсия тавониста буд, ки муқобили қаҳрамонии феълии мусобиқа – Амрико зафар ёбад.
Дар финал Испания бо ғолиби ҷуфти Австралия ва Англия андари майдони рақобат мегардад. Шветсия барандаи се карат медали биринҷии Ҷоми Ҷаҳон байни занон аст. Испания аз зинаи чорум боло нарафт, барои даста ин ҳамагӣ сеюмин мусобиқа аст.
Ёдовар мешавем, ки Ҷоми Ҷаҳонии футболи соли 2023 миёни занон аз 20 июл то 20 август дар Зеландияи Нав ва Австралия баргузор мешавад. Амрико қаҳрамони амалкунандаи ҷаҳон аст. Амрикоиҳо дар чор чемпионати ҷаҳон ғолиб омадаанд.

Next Post

Оставить комментарий

Кликните на изображение чтобы обновить код, если он неразборчив