Сомонаи расмии бошгоҳи «Астон Вилла» эълон кард, ки Стивен Ҷеррард аз мақоми сармураббӣ барканор карда шуд.
"Мо мехоҳем ба Стивен барои меҳнат ва садоқати ӯ изҳори сипос кунем ва ба ӯ дар оянда ҳам муваффақият таманно дорем”- омадааст, дар изҳороти даста. «Астон Вилла» бо гузашти 11 бозӣ бо 9 имтиёз дар зинаи 17-уми Премер-лига мебошад. Ҷеррард моҳи ноябри соли 2021 дастаро ба ӯҳда гирифт. Таҳти роҳбарии ӯ «Астон Вилла» дар мавсими гузашта дар ҷои 14-ум қарор гирифт.
