Имрӯз дар Варзишгоҳи марказии ҷумҳуриявии шаҳри Душанбе бозиҳои даври чаҳоруми мусобиқаи қаҳрамонии Ассотсиатсияи футболи Осиёи Марказӣ (CAFA) байни дастаҳои ҷавонони то 19-сола баргузор мешаванд.
Дастаи ҷавонони Тоҷикистон (U-19), ки дар оғози мусобиқот бар тимҳои Афғонистон (4:1) ва Қирғизистон (3:1) пирӯзӣ ба даст оварда буд, имрӯз бо ҳамсолони худ аз Ӯзбекистон рақобат менамояд. Вохӯрӣ соати 21:00 оғоз мешавад.
Даромад ба Варзишгоҳи марказии ҷумҳуриявии Душанбе ройгон аст. Ҳамаро ба тамошои футбол даъват мекунем.
