Меҳрубон Каримов бозигари мунтахаби то 20 солаи Тоҷикистон расман бозигари тими Динамо-Автои Молдова гардид, хабар медиҳад сомонаи расмии бошгоҳи кишвари Молдова. Меҳрубон дар мунтахаби асосии кишвар низ моҳи марти соли ҷорӣ бори аввал ба майдон баромад. Ӯ дастпарвари дастаи "Динамо"-и шаҳри Душанбе буда, пеш аз гузаришаш ба "Динамо-Авто"-и Тираспол дар дастаи "Пеликани" Туркия ҳунарнамоӣ менамуд. Дар ин даста пештар бозигари дигари мунтахаби кишвар Шаҳром Самиев низ бозӣ кардааст.