Дар бозии даври 34-уми Серияи А-и Италия “Сассуоло” тими “Ювентус”-ро қабул кард. Вохӯрӣ дар варзишгоҳи «Мапей-Ситта дел Триколоре» баргузор шуда, бо пирӯзии меҳмонон бо ҳисоби 2:1 анҷом ёфт.
Яке аз голҳоро дар ин вохӯрӣ ҳамлагари «Ювентус» Пауло Дибала ба самар расонд. Ин гол дар чемпионати Италия барои футболбози аргентинӣ 81-ум буд. Ҳамин тариқ, Дибала бо ҳамлагари собиқи «Ювентус» Криштиану Роналду, ки ҳоло дар «Манчестер Юнайтед» бозӣ мекунад, шумораи голҳои худро баробар кард. Дибала имкон дорад то охири мавсим, ки 4 даври дигар боқӣ мондааст аз португалӣ пеш гузарад. Зеро дар охири мавсим футболбози мазкур низ Туринро тарк хоҳад кард.
