Дар Варзишгоҳи марказии шаҳри Ҳисор дар доираи рақобатҳои марҳилаи ниҳоии Ҷоми ФФТ-2022 миёни дастаҳои "Ҳосилот"-и ноҳияи Фархор ва КМВА-и Вазорати мудофиаи Ҷумҳурии Тоҷикистон бозии хотирмон баргузор гардид. "Ҳосилот" дар аввалин дидор шаҳди пирӯзӣ чашида, КМВА-ро бо ҳисоби 2:1 мағлуб намуд. Голҳои дастаи "Ҳосилот"-ро Вайсиддин Сафаров ва Саидамири Саидаҳмад ба самар расониданд. Ягона голи КМВА-ро Мустафо Шералиев ба самар расонид.