Ҳамлагари Аргентина Лионел Месси, ки “Барселона”-ро тарк кард, аз эҳтимол дур нест, ки ба “Манчестер Сити” гузарад.
Бино ба иттилои Mundo Deportivo, бошгоҳи англисӣ ният надорад бо футболбози 34-сола шартнома бандад. "Шаҳриҳо" ҳоло нақшаҳои дигар доранд. Як рӯз пеш онҳо нимҳимоятгар Ҷек Грилишро аз “Астон Вилла” бо маблағи 117 миллион евро харидаанд ва ҳоло онҳо боз ният доранд, ки ҳамлагари “Тоттенхэм” - Гарри Кейнро ба даст оранд. 
Дирӯз “Барселона” эълом дошт, ки созишномаро бо Месси тамдид намекунад. Ин ба монеаҳои молиявӣ ва сохторӣ, ки дар низомномаи Лигаи Испания навишта шудааст, вобаста аст.