Бошгоҳи "Истиқлол" -и Душанбе нахустин бозии санҷиширо дар доираи ҷамъомади таълимиву тамринӣ дар вилояти Суғд баргузор кард. Дар варзишгоҳи “Металлург”-и Бекобод "Истиқлол"  бо дастаи маҳаллии "Металлург", ки дар Суперлигаи чемпионати Ӯзбекистон бозӣ мекунад, рақобат намуд. Ин вохӯрӣ бо ҳисоби 1 бар 0 бо пирӯзии дастаи мо  хотима ёфт. Голи ягонаро дар дақиқаи 55-ум пас аз партофти Ваҳдат Ханонов Шервонӣ Мабатшоев ба самар расонд. "Истиқлол" бозии дуввуми санҷишии худро 21 июл бо тими “Суғдиона” анҷом медиҳад.