Дастаи "Равшан"-и шаҳри Кӯлоб ҷиҳати иштирок дар Ҷоми Конфедератсияи футболи Осиё ба шаҳри Бишкеки Ҷумҳурии Қирғизистон сафар намуд. Дастаи "Равшан" тариқи ҳавопаймо аз Фурӯдгоҳи байналмилалии шаҳри Душанбе дирӯз соати 20:00 ба шаҳри Бишкек парвоз намуд. Ҳайати дастаи "Равшан" дар Фурӯдгоҳи байналмилалии Бишкек масъулини Федератсияи футболи Қирғизистон ва дигар шахсони расмӣ дар сатҳи баланд истиқбол гирифтанд. Ёдовар мешавем, ки дастаи "Равшан"-и шаҳри Кӯлоб дар гурӯҳи "Е" бо дастаҳои "Аҳал"-и Туркманистон санаи 14 май ва бо дастаи “Дордой”-и Қирғизистон санаи 20-уми май андари майдони рақобат мешавад. Дастаи "Равшан"-и Тоҷикистон айни ҳол дар яке аз меҳмонхонаҳои шаҳри Бишкек қарор дошта, дар рӯзҳои баъдӣ омодагии худро ба бозиҳои дарпешистода оғоз менамояд.