Нимҳимоятгари “Барселона” - Миралем Пянич метавонад ба “Ювентус” баргардад.
Мувофиқи маълумоти RAC1 намояндагони клубҳо ба наздикӣ дар бораи бозгашти эҳтимолии футболбози босниягӣ мулоқот карданд. Тахмин меравад, ки Пяничро бо нимҳимоятгари дигари “Юве”  Родриго Бентанкур иваз мекунанд.  
Дар айни замон, гуфтушунидҳо идома надорад, аммо “Барса” ва “Ювентус” ба мувофиқа расиданд, ки метавонанд ҳар лаҳза онҳоро аз сар гиранд. Пянич тобистони соли гузашта дар натиҷаи гузариши Артур ба “Ювентус” бозигари “Барселона” шуд.