Бошгоҳи фаронсавии “Пари Сен-Жермен” ба ситораи футболи 33-солаи аргентинӣ, ҳамлавари дастаи “Барселона” Лионел Месси қарордодеро пешниҳод карданист, ки дар гумон аст Месси аз он даст кашад. Дар ин бора хабаргузории TNT Sports хабар додааст.
Мувофиқи иттилои ин манбаъ, Мессиро пешниҳоди дусолаи қарордод ва боз тамдиди як соли дигар интизор хоҳад буд, ки шартҳои молиявии он барои ин бошгоҳи фаронсавӣ афсонавӣ мебошад. Ҷузъиёти ин пешниҳод то ҳол ошкор нашудааст.
Лионел Месси дар мавсими имсола дар 42 вохӯрӣ дар ҳама гуна бозиҳои “Барселона” иштирок намуда, ба задани 33 гол ва 14 партоби головар даст ёфтааст. Қарордоди ӯ бо бошгоҳи каталониҳо 30 июни соли ҷорӣ ба итмом мерасад. 
Қаблан Forbes Мессиро дар ҷойи сеюм миёни варзишгарон дар соли 2020 қарор дод. Даромади молиявии умумии бозингари аргентинӣ дар соли гузашта, аз ҳисоби маош ва дигар бонусҳо, 104 миллион долларро ташкил додааст.