Ҳамлагари “Челси” - Тэмми Абраҳам аз мавқеи худ дар тими шаҳри Лондон норозӣ аст. Футболбоз ният дорад, ки дар охири мавсим ба дастаи дигар гузарад. Шартнома байни футболбоз ва “Челси” то моҳи июни соли 2023 амал мекунад.
Тибқи иттилои матбуоти Англия, “Лестер” довталаби асосӣ дар мубориза барои Абраҳам мебошанд. Рӯбоҳон бояд барои ҳамлагари мазкур ҳадди аққал 40 миллион евро пардохт кунанд.  
Дар мавсими ҷорӣ Абраҳам 30 бозӣ гузаронида, 12 гол зада, 6 партофти головар анҷом додааст.