УЕФА эълон намуд, ки ҳашт шаҳре, ки чемпионати Аврупо-2020 –ро мизбонӣ мекунанд, омодаанд мухлисонро дар минбарҳои варзишгоҳ истиқбол кунанд.
Шумораи тамошобиноне, ки ба нишастгоҳҳо қабул карда мешаванд, аз 25% то 100% -и ғунҷоиши варзишгоҳро ташкил медиҳад. Интизор меравад, ки дар Будапешт дар “Пушкас Арена” пурра мухлисон роҳ дода мешаванд. Санкт-Петербург омода аст, ки 50% тамошобинонро ба “Газпром Арена” роҳ диҳад ва эътироф мекунад, ки шумораи онҳоро то охири моҳи апрел афзоиш медиҳад.
Амстердам, Бухарест, Копенгаген ва Глазго тасдиқ карданд, ки 25-33% -и варзишгоҳ барои тамошобинон омода мекунанд. Се шаҳри аввал вобаста ба пешрафти барномаҳои тестии оммавӣ ва шумораи сироятёфтагон метавонанд то охири моҳи апрел боз адади тамошобинонро зиёд кунанд.
Чор шаҳри дигар - Мюнхен, Рим, Билбао, Дублин - ҳанӯз тасмим нагирифтаанд, ки ба мухлисон иҷозат медиҳанд ё не. Онҳо бояд қабл аз 19 апрел тасмим бигиранд - дар ин сурат УЕФА дар бораи баргузории бозиҳо дар ин шаҳрҳо қарори ниҳоиашро мегирад.
«Ҳангоми қабули қарор, пешгӯиҳои беҳбудии вазъи санитариро дар моҳҳои июн-июл дар назар гирифтанд. Бисёр омилҳо, аз ҷумла сатҳи ваксинзании маҳаллӣ, нақшаҳои барқароркунии иқтисодиёт ва сустшавии интизоршавандаи паҳншавии вирус ҳангоми гармшавӣ ба назар гирифта шуданд », - менависад УЕФА.
