Дифоъгари ҳолландии “Ливерпул” - Вирҷил ван Дейк пас аз ҷарроҳии зону тамринро дубора оғоз кард. Ҳолландӣ дар пойгоҳи даста аз рӯи ҷадвали инфиродӣ тамрин мекард. Рӯзи 17-уми октябри соли гузашта, ҳангоми бозии “Эвертон” – “Ливерпул” Вирҷил шадидан захмӣ шуда буд.Моҳи феврал Вирҷил дар толори варзишӣ ба тамрин шурӯъ кард. Рӯзи 24 феврал ӯ пас аз танаффуси тӯлонӣ бори аввал ба майдон баромад ва тибқи ҷадвали худ тамрин кард. Ногуфта намонад, ки Ван Дейк боқимондаи мавсимро аз даст додааст ва наметавонад дар чемпионати Аврупо ширкат варзад.
