"Реал" қабл аз бозии даври 20-уми Ла Лигаи Испания бо "Алавес" ба мушкилии кадрӣ дучор омад. Дар ин бора хадамоти матбуоти расмии бошгоҳи испанӣ иттилоъ медиҳад.
Ҳамин тавр дар бозии навбатӣ, “Реал”  ба капитани худ Серхио Рамос, инчунин ба Дани Карвахал, Федерико Валверде, Начо Фернандес, Мартин Эдегор ва Родриго умед баста наметавонад. Ғайр аз он, бо эҳтимолияти баланд дар вохӯрӣ сармураббии “Реал Мадрид” - Зинедин Зидан, ки ба сирояти коронавирус мубтало шудааст, иштирок карда наметавонад.