Ҳамлагари “ПСЖ” Неймар дар бозии даври 14-уми Лигаи якуми Фаронса бо тими “Лион” (1:0) ҷароҳат бардошт. Дар лаҳзаҳои охири вохӯрӣ хавбеки “Лион” Тиаго Мендес ба пойи Неймар зад. Барои ин қоидавайронкунӣ довар ба ӯ сараввал корти зард дод. Неймар бо сабаби ҷароҳати буғуми пояш натавонист бозиро идома диҳад. Ӯ дар майдон ғелида, гиря мекард. Довар пас аз тамошои наворҳои такрорӣ қарори худро иваз карда, Мендесро аз бозӣ ронд. Неймар натавонист бо пойи худ майдонро тарк кунад. Ӯро бардошта бурданд.