Дарвозабони 28-солаи олмонии “Барселона” - Марк-Андре тер Штеген бори аввал аз моҳи август ба тамрин дар гурӯҳи умумии клуби каталонӣ шурӯъ кард, хабар медиҳад хадамоти матбуоти нилунориҳо кабуд. Тер Штеген вохӯрии охирини худро дар даври чорякниҳоии Лигаи қаҳрамонҳои УЕФА 2019/2020 бо дастаи “Бавария”-и Мюнхен анҷом дод, ки бо шикасти шадиди каталониҳо бо ҳисоби 2:8 хотима ёфт. Пас аз ин дарвозабон ҷарроҳии зону гузаронид, ки дар марҳилаи барқароршавӣ қарор дорад. Қайд карда мешавад, ки ҳимоятгари 26-солаи тими миллии Фаронса Самуэл Юмтити, ки аз моҳи июн ба майдон набаромадааст, низ ба тамринҳо оғоз кард. Дар мавсими солҳои 2019/2020, Тер Штеген дар ҳайати “Барселона” дар ҳамаи мусобиқаҳо 46 бозӣ гузаронидааст, ки дар он 50 гол сар додааст ва дар 17 вохӯрӣ дарвозаашро аз гол муҳофизат кардааст.