LIVE

Пешвои миллат: “Футбол дар оянда метавонад муаррифгари давлат дар арсаи ҷаҳон гардад”

Дар идомаи сафари корӣ ба минтақаи Рашт дар ноҳияи Нуробод Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Президенти Кумитаи миллии олимпии Тоҷикистон, муҳтарам Эмомалӣ Раҳмон майдончаи варзишии футболбозиро дар масоҳати 800 метри мураббаъ, ки аз ҷониби Федератсияи футболи Тоҷикистон сохта шудааст, мавриди истифода қарор доданд. Корҳои сохтмонӣ дар иншооти варзишӣ моҳи майи соли ҷорӣ бо ҷалби сокинони маҳаллӣ оғоз гардида буд.

Хотиррасон бояд намуд, ки соли 2014 - Соли оммавигардонии футбол дар Тоҷикистон эълон гардида буд ва дар ин замина, то имрӯз дар тамоми қаламрави мамлакат, толору марказҳои муосири варзишӣ, муҷаҳҳаз бо тамоми дастгоҳу таҷҳизоти муосири машқу тамрин, барои солимии ҷомеа, бо шароиту имкониятҳои фаррох фароҳам оварда шудааст. Баъди мавриди истифода қарор додани майдончаи нави футболбозӣ дар ноҳияи Нуробод Сарвари давлат, муҳтарам Эмомалӣ Раҳмон таъкид доштанд, ки сохта ба истифода додани чунин майдончаҳои варзишӣ дар қаламрави мамлакат дар “Солҳои рушди деҳот, сайёҳӣ ва ҳунарҳои мардумӣ” туҳфаи арзишмандест барои ҷавонони худогоҳ ва насли ояндаи тоҷик.

Пешвои миллат изҳорӣ боварӣ намуданд, ки футбол дар Тоҷикистон оянда метавонад муаррифагари кишвар дар арсаи олам гардад, зеро барои рушди он дар тамоми гушаю канори ҷумҳурӣ шароити зарурӣ муҳайё гардидааст.

Next Post

Оставить комментарий

Кликните на изображение чтобы обновить код, если он неразборчив