Бошгоҳи чинии "Шанхай Шэнхуа" ба Виллиан таваҷҷуҳ кардааст. Тибқи маълумоти нашрияи "The Mirror" дастаи мазкур ба Виллиан шартнома(12 млн евро дар як сол), ду автомобил ва хона пешниҳод кард, ки футболбози бразилӣ онро рад кард.
Виллиан мехоҳад корномаи варзишиашро дар Аврупо идома бидиҳад. Қарордоди ҳамкории ӯ бо "Челси" соли 2020 ба анҷом мерасад.
Мавсими гузашта Виллиан 56 бозӣ гузаронида, дар ҳисоби худ ҳашт гол ва 14 партофти головар сабт намуд.
