Ниммуҳофизатгари «Ювентус» - Аарон Рэмси имкон дорад, ки фаъолияти худро дар  чемпионати Англия гузаронад. Тавре The Sun навиштааст, ба ин футболбози 29 сола дастаи «Нюкасл Юнайтед» таваҷҷуҳ дорад. Клуб омодааст, ки барои Рэмси  400 ҳазор £ дар як ҳафта маблағ диҳад.  Агар ин муомилот ба хуби анҷом ёбад, пас  Рэмси бо чунин маош гаронарзиштарин бозигари «Нюкасл» мегардад. Рэмси ба «Ювентус» аз «Арсенал» соли  2019 гузариш карда буд ва дар мавсими ҷорӣ дар 24 бозӣ ба майдон баромада, ба задани 3 гол даст ёфтааст.