УЕФА бошгоҳи «Манчестер Сити»-ро дар ҳаҷми 3 ҳазор евро ҷарима намуд. Ин қарор баъди он гирифта шуд, ки “шаҳриҳо” қабл аз бозии аввали даври 1/8 ниҳоии Лигаи Чемпионҳо бар муқобили “Реал” (2:1) бо пероҳанҳои рамзи сарпарасташон дошта, вориди майдон шуда, тамрин намудаанд. Бозигарони “МС” пеш аз дидори мазкур бо либосҳое, ки дар он акс ё рамзи сарбаст ҷой дода шудааст, тамрин кардаанд, ки аз нигоҳи масъулони футболи аврупоӣ дар Лигаи Чемпионҳо чунин амал манъ карда шудааст.
Маврид ба ёдоварист, ки ин бори аввал нест, ки “МС” қоидаҳои УЕФА-ро вайрон мекунанд.
Қаблан УЕФА ин тими футболи англисиро барои иҷро накардани талаботҳои "фэйр-плей" ба мӯҳлати ду мавсим аз мусобиқоти аврупоӣ маҳрум кард.