Сармураббии тими миллии Бразилия Карло Анчелотти дар бораи пирӯзии дастааш бар Ҷопон ва роҳхат ба даври 1/8 ниҳоии Ҷоми Ҷаҳон -2026 изҳори назар кард. Бозӣ бо ҳисоби 2-1 ба анҷом расида буд.
Ҷоми Ҷаҳон - 2026. Даври 1/16 ниҳоӣ
29 июни соли 2026, душанбе. 22:00 ДШБ
Бразилия 2:1 Ҷопон
0:1 Сано – 29' 1:1 Каземиро – 56' 2:1 Мартинелли – 90+5'
"Мо инро пеш аз мусобиқа муҳокима кардем. Дар футбол хатогиҳо рух медиҳанд ва Шумо наметавонед аз онҳо комилан канорагирӣ кунед. Ҳеҷ даста комил нест. Муҳим он аст, ки чӣ гуна даста ба онҳо вокуниш нишон медиҳад. Сари ин чизҳо кор карда истодаем. Муҳим он аст, ки ба пеш ҳаракат кунем. Дар нимаи дуюм ин корро кардем. Ҳеҷ кас шубҳа надошт, ки мо гол мезанем. Бозии худро дар нимаи дуюм беҳтар кардем, то аз гузаришҳое, ки метавонистанд корҳоро душвортар кунанд, канорагирӣ кунем. Эҳсоси шиддат муқаррарӣ аст. Ин дар футбол чизи нав нест. Эҳсоси сабукӣ низ муқаррарӣ аст. Ҳамеша  ёд дорам, ки пас аз мағлубият дар ин ҷо будан хеле душвортар аст.
Фикр мекунам ин то ҳол пурратарин намоиши мо буд.  Нимаи аввал барои эҷоди имкониятҳо мубориза бурдем; рақибон  дар дифоъ хеле сахт буданд. Дар нимаи дуюм имконотро ҷустуҷӯ кардем, аз кроссҳо истифода бурдем ва тӯбро ба майдони ҷаримавӣ бештар интиқол додем. Пешрафти мо ба таври возеҳ буд. Имрӯз, вақте ки мо бо мушкилот рӯ ба рӯ шудем,  роҳҳои ҳалли онҳоро меҷустем», - иқтибос меорад Глобо аз суханони Анчелотти.
Дар даври 1/8 ниҳоии Ҷоми ҷаҳон Бразилия бо ғолиби бозии Кот-д'Ивуар ва Норвегия рӯбарӯ хоҳад шуд.