Дастаи мунтахаби ҷавонони то 18-солаи Тоҷикистон баромадро дар чемпионати Ассотсиатсияи футболи Осиёи Марказӣ (CAFA U-20), ки имрӯз, 10-уми июн дар Ҳисор оғоз шуд, бо пирӯзӣ оғоз кард.
Дастаи ҷавонони мо дар оғози мусобиқот дар гурӯҳи «А» бар тими Афғонистон бо ҳисоби 2:0 пирӯз шуд. Муаллифи голҳои дастаи мо Абдулло Иброҳимзода ва Зариф Зарифзода аз пеналти гардиданд.
Тими ҷавонони Эрон дар гурӯҳи «В» бар дастаи Туркманистон бо ҳисоби 1:0 пирӯз шуд.
Бозиҳои даври дуюм рӯзи 12 июн дар варзишгоҳи «ТАЛКО Арена»-и шаҳри Турсунзода баргузор мешаванд.