Ҳамлагари тими «Реал Мадрид» Килиан Мбаппе пас аз пирӯзии дастааш бар «Бетис» бо ҳисоби 2:0 дар Ла Лига, дар бораи мавқеъи худ дар майдон ҳарф зад.
«Чунон ки ман дар рӯзи муаррифии худ гуфтам, ман метавонам дар ҳар се мавқеъ дар хатти ҳамла бозӣ кунам, шояд ин барои шумо баҳсҳоро ба вуҷуд биёрад, аммо ин чизе нест, ки ман ҳамеша дар бораи он фикр мекунам. Фикр мекунам, ки мо тадриҷан бозиамонро беҳтар мекунем», - гуфт Мбаппе.
Килиан тобистони имсол ба дастаи шаҳри Мадрид пайваст. Дар ин муддат футболбози фаронсавӣ дар панҷ бозӣ дар тамоми мусобиқаҳо ширкат карда, дар онҳо се гол ба самар расонидааст.