Федератсияи байналмилалии таърих ва омори футбол (IFFHS) рейтинги плеймейкерҳои соли 2023-ро нашр кард.
Дар ин раддабандӣ нимҳимоятгари “Манчестер Сити” - Кевин де Брюйне мақоми аввалро касб кард. Ӯ бори сеюм дар ин категория ғолиб омад (қаблан дар солҳои 2020 ва 2021).
Лионел Месси (“ПСЖ” / “Интер Майами”) ҷои дуюм ва Бернарду Силва («Манчестер Сити») ҷои сеюмро гирифтанд.
Инчунин дар даҳгонаи беҳтарин Ҷуд Беллингем (“Боруссия”-и Дортмунд” / “Реал Мадрид”), Мартин Эдегор (“Арсенал”), Ҷамол Мусиала (“Бавария”), Тони Кроос (“Реал Мадрид”), Педри (“Барселона”), Федерико Валверде (“Реал Мадрид”) ва Бруно Фернандеш (“Манчестер Юнайтед”) буданд.