ФИФА номи сегонаи беҳтаринҳоро баҳри номзадӣ дар гирифтани ҷоизаи бозигари соли 2023 –ро эълон кард.
Ба рӯйхати кӯтоҳи ҷоизаи The Best Эрлинг Холанд («Манчестер Сити» / мунтахаби Норвегия), Килиан Мбаппе («ПСЖ» / мунтахаби Фаронса) ва Лионел Месси («Интер Майами» / мунтахаби Аргентина) шомил шудаанд. 
Аз рӯйхати номзадҳо  номи Кевин де Брюйне («Манчестер Сити»), Бернарду Силва («Манчестер Сити»), Хвича Кварасхелия («Наполи»), Хулиан Алварес («Манчестер Сити»), Илкай Гюндоган ( «Манчестер Сити» / «Барселона»), Родри («Манчестер Сити»), Виктор Осимхен («Наполи»), Деклан Райс («Вест Хэм» / «Арсенал») ва Марсело Брозович («Интер» / «Аль-Наср») берун карда шуд.
Вақти тартибдиҳии рӯйхати мазкур баромади бозигарон аз даврони 19-уми декабри соли 2022 то  20-уми августи соли 2023 ба назар гирифта шуд. Ҳамин тариқ, дастовард дар   ҶҶ-2022 вақти муайян кардани ғолиб ба назар гирифта намешавад.
Нафари ғолиб дар маросими   ҷоизасупорӣ рӯзи 15-уми январ маълум мегардад. Соли қаблӣ ҷоизаи мазкур насиби Лионел Месси шуда буд.