Имрӯз, 21-уми ноябр бозии дуюми даври дуюми марҳилаи интихобии Ҷоми ҷаҳон-2026 дар гурӯҳи «G» миёни дастаҳои мунтахаби Покистону Тоҷикистон баргузор мешавад.
Вохӯрии дарпешистода сеюмин бозии байниҳамии тимҳои миллии ин ду кишвар хоҳад буд. Дар ду рақобати қаблӣ мунтахаби Тоҷикистон бар Покистон бо натиҷаи 2:0 ва 1:0 пирӯз шуда буд. Ҳарду бозӣ дар чаҳорчӯби Ҷоми даъвати КФО баргузор гаштааст.