24 сентябр марҳилаи сеюми чемпионати Тоҷикистон-2023 байни дастаҳои лигаи олӣ оғоз мешавад. Дар даври оянда системаи видеодовар якбора дар ду бозии чемпионати кишвар истифода мешавад. Аввалин бор VAR дар Тоҷикистон дар бозии гурӯҳи «Б» миёни дастаҳои КМВА ва «Хатлон», ки рӯзи 24 сентябр баргузор мешавад, ба кор медарояд. 25-уми сентябр дар рақобати гурӯҳи «А» миёни бошгоҳҳои «Равшан» – «Файзканд» ҳам дар Варзишгоҳи марказии шаҳри Кӯлоб системаи VAR истифода мешавад.