Фардо, 14-уми сентябр дар шаҳри Душанбе мусобиқаи интихобии Ҷоми Осиё-2023 байни дастаҳои ҷавонони то 20-сола дар гурӯҳи «I»  оғоз мешавад. Дастаҳои ҷавонони Тоҷикистон, Камбоҷа, Лубнон ва Сингапур барои роҳхатҳои қисми ниҳоии Ҷоми Осиё мубориза мебаранд.
Дар остонаи оғози марҳилаи интихобӣ имрӯз, 13-уми сентябр дар меҳмонхонаи «Румӣ»-и шаҳри Душанбе ҷаласаи машваратӣ  доир гардид, ки дар он масъалаҳои ташкилӣ ва нуктаҳои низомнома мавриди баррасӣ қарор гирифта, ранги либосҳои дастаҳои иштирокчӣ тасдиқ карда шуданд.
Пагоҳ, 14-уми сентябр тими ҷавонони мо бозии якуми худро дар мусобиқаи интихобии Ҷоми Осиё-2023 (U-20) дар гурӯҳи «I»  бо дастаи Сингапур барпо менамояд. Ин бозӣ дар Варзишгоҳи марказии Душанбе баргузор шуда, соати 20:00 оғоз мегардад. Даромад ба варзишгоҳ ройгон аст.
Қобили зикр аст, ки ғолибони даҳ гурӯҳи интихобӣ ва панҷ дастаи беҳтарин, ки ҷойҳои дуюмро мегирад, ба марҳилаи ниҳоии Ҷоми Осиё-2023 (U-20), ки аз 1-уми март то 18-уми марти соли оянда дар Ӯзбекистон баргузор мешавад, роҳ меёбанд.

Иштирокчиён: ТОҶИКИСТОН, Камбоҷа, Лубнон, Сингапур.

17:00 – Камбоҷа – Лубнон

20:00 – ТОҶИКИСТОН – Сингапур

17:00 – Сингапур – Камбоҷа

20:00 – Лубнон – ТОҶИКИСТОН

17:00 – Лубнон – Сингапур

20:00 – ТОҶИКИСТОН – Камбоҷа