Дастаи «Истиқлол»-и Душанбе дар бозии даври дуюми чемпионати Тоҷикистон-2023 дар майдони худ бар тими «Файзканд»-и Восеъ (2:1) ғалаба кард. Манучеҳр Ҷалилов аз ҳайати дастаи «Истиқлол» ба номаш дубл сабт намуд.
Бошгоҳи «Хуҷанд» натавонист ғалабаро дар бозӣ муқобили «Регар-ТадАЗ» ба даст орад. Дар натиҷа рақобат бо натиҷаи – 2:2 ба анҷом расид.
Дар бозӣ миёни КМВА-и Душанбе ва «Равшан»-и шаҳри Кӯлоб низ ғолиб маълум нашуд. Вохӯрӣ бо ҳисоби 0:0 анҷом ёфт. Пас аз даври дуюм дастаҳои "Истиқлол" ва "Эсхата" бо 6 имтиёзӣ дар садри ҷадвал қарор гирифтанд.