Ҳамлагари “Манчестер Сити” Серхио Агуэро ба чемпионати Испания ё Фаронса меравад. Шартномаи ин футболбози 32 солаи аргентинӣ тобистони ҳамин  сол    хотима меёбад.    Яъне  ӯ аллакай метавонад  6 моҳ қабл аз анҷоми   қарордодаш бо дигар дастаҳо гуфтушунид гузаронад. Расонаҳо  менависанд, ки  “Барселона” ва “ПСЖ” ба Агуэро мароқ зоҳир намудаанд. Вале худи Серхио умед дорад, ки Ман Сити бо ӯ шартномаро тамдид мекунад.  Дар  мавсими ҷорӣ, ин форварди аргентинӣ   9 бор ба майдон баромада, 2 гол  ба самар расонидааст. Айни замон бошад, Агуэро  дар карантин нишастааст. Зеро ӯ бо сироятгирифтаи коронавирус аз наздик мулоқот намуда буд.