“Манчестер Сити” дар сомонаи расмии худ дар бораи ифшо намудани ду ҳолати сироятёбӣ ба вируси коронаро миёни футболбозони даста иттилоъ медиҳад. Натиҷаи санҷиши тестӣ дар ҳамлагар Габриэл Жезус ва ҳимоятгар Кайл Уокер мусбат баромад. Ҳамчунин ду корманди дигари “шаҳриҳо” ҳам гирифтори ин беморӣ шудаанд. Сироятёфтагон ба карантин фаро гирифта шуданд. Жезус ва Уокер дар бозиҳои Boxing Day бо тимҳои “Нюкасл”, “Эвертон” ва “Челси” дастаашонро кӯмак карда наметавонанд.