«Манчестер Сити» дар даври 21-уми ПЛА бо дастаи «Эвертон» рақобат намуд. Бозии мазкур дар варзишгоҳи «Иттиход» сурат гирифта, бо ҳисоби 2 бар 1 ба поён расид. Дар дақиқаи 51-уми бозӣ Габриэл Жезус ҳисобро кушод. Дере нагузашта ин ҳамлагари бразилии «Манчестер Сити» ба задани голи дуюми худ даст ёфт. Дар дақиқаи 71-уми бозӣ «Эвертон» аз иштибоҳи дарвозабони мизбонон Клаудио Браво истифода карда, як гол ба самар расонид. Ин аввалин нокомии «Эвертон» баъд аз омадани мутахассиси итолёвӣ Карло Анчелотти маҳсуб мешавад.