Федератсияи байналмиллалии таърих ва омори футбол, ки бо номи IFFHS машҳур аст, рӯйхати беҳтарин бозисозонро (плеймейкерҳо) дар соли 2019 нашр намуд. Тибқи ин рӯйхат, ҳамлавари дастаи “Барселона” Лионел Месси бо 299 хол, соҳиби ҷойи аввал гашт. Ҷойи дуюм насиби нимҳимоятгари белгиягии “Манчестер Сити” Кевин де Брюне (85 хол) ва ҷойи сеюм бошад, бо 55 хол насиби футболбози белгиягии дигар, Эден Азар (“Челси”/”Реал Мадрид”) гардид.

Қаблан ин ҷоизаро Месси солҳои 2015, 2016 ва 2017 низ ба даст оварда буд. Рӯйхати тартибдодаи IFFHS ба чунин тартиб аст:

1. Лионел Месси («Барселона») – 299 хол;

2. Кевин де Брюйне («Манчестер Сити») – 85;

3. Эден Азар («Челси» / «Реал») – 55;

4. Роберто Фирмино («Ливерпул») – 46;

5. Бернарду Силва («Манчестер Сити») – 32;

6. Душан Тадич («Аякс») – 30;

7. Френки де Йонг («Аякс» / «Барселона») – 25;

8. Кристиан Эриксен («Тоттенҳэм») – 21;

9. Антуан Гризманн («Атлетико» / «Барселона») – 20;

10. Джорджиньо Вейналдум («Ливерпул») – 17.