Тими миллии Испания дар бозии даври дуюми марҳилаи гурӯҳии Ҷоми Ҷаҳон-2026 Арабистони Саудиро бо ҳисоби 4-0 шикаст дод ва шумораи силсилабозиҳои бебохти худро дар бозиҳои расмӣ ба 33 адад расонид.
Ҷоми Ҷаҳонии 2026. Гурӯҳи H. Даври 2-юм 
Якшанбе, 21 июни соли 2026. 21:00 ДШБ
Испания 4:0 Арабистони Саудӣ
1:0 Ямал – 10' 2:0 Оярсабал – 21' 3:0 Оярсабал – 24' 4:0 Ал-Тамбакти – 49'
Дастаи Луис де ла Фуэнте 26 пирӯзӣ ва ҳафт мусовӣ дорад. Охирин бохти расмии онҳо моҳи марти соли 2023 дар бозии даври интихобии Евро-2024 аз Шотландия бо ҳисоби 2-0 ба қайд гирифта шуда буд. Тибқи иттилои хабарнигор Педро Мартин дар шабакаҳои иҷтимоӣ Испания ба рекорди Бразилия дар шумораи бештари пирӯзиҳо (1993-1998) баробар шудааст.
Вале ин ҳисоб бозиҳои дӯстона ё бозиҳое, ки Испания дар онҳо аз рӯи пеналтӣ мағлуб шудааст, дар бар намегирад. Аз ин рӯ, бохт аз Португалия дар финали Лигаи Миллатҳо дар соли 2025 (2-2, 3-5 аз рӯи пеналтӣ) ва Колумбия (0-1) дар бозии дӯстона дар моҳи марти соли 2024 ба ин ҳисоб дохил карда нашудаанд.
Дар даври сеюми марҳилаи гурӯҳӣ тими миллии Испания бо Уругвай (27 июн) рӯбарӯ хоҳад шуд.