Бошгоҳи испании "Жирона" дар сомонаи расмии худ эълон кард, ки дарвозабон Марк-Андре тер Штегенро аз “Барселона” тариқи иҷора то охири мавсими ҷорӣ ба даст овард.
Дарвозабони 33-сола ин мавсим дар як бозии Ҷоми Испания ширкат кардааст. Шартномаи кунунии ӯ бо "блаугранас" то тобистони соли 2028 мӯҳлат дорад. Тибқи маълумоти сомонаи Transfermarkt арзиши бозории ӯ 7 миллион евро мебошад.
Тер Штеген аз соли 2014 инҷониб дар сафи "Барселона" бозӣ мекунад. Дар ин бошгоҳ дарвозабони олмонӣ ғолиби Лигаи Чемпионҳо ва шаш маротиба қаҳрамони Ла Лига шудааст.