Дар доираи дастуру супоришҳои президенти Федератсияи футболи Тоҷикистон муҳтарам Рустам Эмомалӣ бо мақсади фаъол намудани кори Федератсияҳои минтақавӣ ва рушди футбол дар шаҳру ноҳияҳои кӯҳистони ҷумҳурӣ санаи 27-уми май дар толори Мақомоти иҷроияи ҳокимияти давлатии ноҳияи Нуробод таҳти раёсати ноиби президенти Федератсияи футболи Тоҷикистон Сайвалӣ Дониёрзода конференсияи интихобии раиси Федератсияи футболи минтақаи Рашт ва шаҳри Роғун бо иштироки раисони ноҳияҳои Нуробод, Рашт, Тоҷикобод, Лахш, Сангвор ва шаҳри Роғун баргузор гардид.
Аз руи масъалаҳои рузномаи конференсия, интихоби раис ва муовини раиси Федератсияи футболи минтақаи Рашт ва шаҳри Роғун, ҳамзамон интихоби аъзоёни Кумитаи ичроияи Федератсияи футболи минтақаи Рашт ва шаҳри Роғун, аз тариқи овоздиҳии вакилон сурат гирифт, ки дар натиҷа Фатҳуддин Солеҳзода ба ҳайси раиси Федератсия ва Дустмурод Соибов муовини раиси федератсия интихоб шуданд.
Ба узвияти Кумитаи иҷроияи Федератсияи футболи минтақаи Рашт ва шаҳри Роғун бошад, Сунъатулло Саидзода, Зарина Идизода, Қадриддин Фақерзода, Каромиддин Холзода ва Маҳмадшо Давлатзода интихоб шуданд.