Бозии даври 20-уми Лигаи 1-и Фаронса, ки дар он дастаҳои «Марсел» ва «Лион» вохӯрданд,   дар варзишгоҳи «Оранж Велодром»-и шаҳри Марсел   бо пирӯзии мизбонон бо ҳисоби 3:2 анҷом ёфт.
Фаронса - Лигаи 1. Даври 20-ум
03 феврали соли 2025, душанбе. Соати 00-45 бо вақти Душанбе
“Марсел” (Марсел) 3:2 “Лион” (Лион)
0:1 Толиссо – 53'     1:1 Гринвуд – 61’     2:1 Рабйо – 64’     2:2 Ляказетт – 72’     3:2 Хенрике – 85'
Голи аввалини ин дидор дар дақиқаи 53-юм зада шуд. Муаллифи он нимҳимоятгари тими “Лион” Корентин Толиссо гардид. Дар дақиқаи 61-ум ҳамлагари «Марсел» Мейсон Гринвуд ҳисобро баробар кард. Баъди се дақиқа Адриен Рабйо мизбононро ба пеш баромад. Дар дақиқаи 72-юм бошад бозигари меҳмонон Александр Ляказетт аз зарбаи ҷаримавӣ ҳисобро дигарбора баробар намуд. Ғалабаи “Марсел”-ро голи  Луис Энрике, ки дар дақиқаи 85-ум ба ҳадаф расонида буд, таъмин кард.
Баъди ин галаба «Марсел» 40 хол гирифта, дар ҷадвали чемпионати Фаронса дар зинаи дуюм аст. “Лион” бошад бо 30 имтиёз дар мақоми ҳафтум қарор дорад.