Ҳимоятгари марказии дастаи “Манчестер Юнайтед” Рафаэл Варан фаъолияти худро дар чемпионати Италия идома медиҳад.
Пас аз видоъ бо “Манчестер Юнайтед” футболбози 31-сола дар мақоми агенти озод буд. Сеск Фабрегас бозигари фаронсавӣ Варанро бовар кунонд, ки ба дастаи худ ҳамроҳ шавад.
Ба гуфтаи Фабритсио Романо, бозигари фаронсавӣ аллакай дар бораи шартномаи шахсӣ бо тими “Комо” розӣ шудааст. Шартнома барои ду мавсим давом мекунад ва ин имкон дорад, ки ба таври худкор барои як соли дигар тамдид карда шавад.
Ёдовар мешавем, ки дастаи “Комо” пас аз 20 сол тавонист, ки дигарбора ба Серияи А роҳ ёбад.