Мунтахаби футзали Тоҷикистон таҳти роҳбарии Пайрав Воҳидов омодагиҳоро ба Ҷоми ҷаҳон-2024, ки аз 14 сентябр то 6 октябр дар Ӯзбекистон баргузор мешавад, оғоз намуд.
Дастаи футзали мо дар Гулистон ба ҷамъомади таълимиву тамринӣ фаро гирифта мешавад, ки он то 17 июл идома мекунад. Мунтахаби Тоҷикистон баъди ҷамъомад барои ширкат дар мусобиқа бо ширкати тимҳои миллии Ӯзбекистон, Беларус ва Гватемала ба Бухоро сафар мекунад.
Қобили зикр аст, ки дар чемпионати ҷаҳон оид ба футзал-2024 тими миллии Тоҷикистон дар гурӯҳи «Е» бо дастаҳои яккачини Марокаш (16 сентябр), Португалия (19 сентябр) ва Панама (22 сентябр) рақобат менамояд.