Дастаи миллии Тоҷикистон оид ба футзал дар доираи омодагиҳо ба бозиҳои интихобии чемпионати Осиё, ки қарор аст моҳи октябр сурат гирад, ду бозии дӯтона анҷом медиҳад. Шогирдони Деян Дедович бо даъвати дастаҳои АМА ва Баҳрайн ба шаҳрҳои Дубай ва Манама сафар хоҳад кард. Дидор бо АМА 25-26 сентябр ва вохӯрӣ бо Баҳрайн 29-30-юми сентябр сурат мегирад. Охирҳои моҳи октябр футзалбозони тоҷик дар бозиҳои интихобии чемпионати Осиё бо дастаҳои Ӯзбекистон, Афғонистон ва Непал вориди рақобат хоҳанд шуд.