«Нюкасл Юнайтед» дар сомонаи расмии хеш оиди гузариши Сандро Тонали аз «Милан» эълон намуд. Ҷонибҳо шартномаи мӯҳлаташ то соли  2028 имзо намуданд.
Пештар ВАО хабар дода буд, ки «Нюкасл» баҳри ин нимҳимоягар  70 млн евро бидуни ба ҳисобгирии иловапулиҳо пардохт намуда, маоши бозигар солона 7 млн евроро ташкил медиҳад. Агар ин ҳаҷми маблағ дарвоқеъ дуруст бошад, Тонали гаронарзиштарин футболбози итолиявӣ дар таърихи футбол мегардад.
Дар мавсими сипаришудаи Серияи А Сандро Тонали дар 34 бозии тимаш иштирок намуда, ду голу ҳафт партофти голӣ ба омор гирифтааст. То гузариш ба «Милан», ки  тобистон қабл аз мавсими-2020/2021 сурат гирифта буд, нимҳимоягар дар сафи «Брешия» баромад мекард.