Президенти «Реал» Флорентино Перес гузариши нимҳимоягари «Боруссия»-и Дортмунд Ҷуд Беллингемро шарҳ дод. 
«Имрӯз ба сафи дастаи мо яке аз беҳтарин бозигарони ҷаҳон пайваст. Ҷуд инҷо барои он аст, ки ӯ хост инҷо биёяд. Ӯ метавонист ба дилхоҳ тими дигар равад, бисёриҳо мехостанд бо ӯ шартнома имзо кунанд, аммо худи ӯ  «Реал»-ро интихоб кард. Хуш омадед», — овардааст аз суханони Перес  журналист Фабрисио Романо.
Ёдрас мекунем, ки Ҷуд бо «Реал» шартнома то тобистони соли 2029 имзо намуд. Пештар «Боруссия» иттилоъ дода буд, ки аз барои Беллингем «Реал»-и Мадрид  103 млн евро ҷамъи иловапулиҳо дар ҳаҷми қариб 31 млн евро пардохт мекунад.
Ба сафи «Боруссия» бошад Беллингем соли 2020 аз «Бирмингем Сити»-и англисӣ гузариш намуда, дар масири се мавсим дар Олмон дар 132 бозӣ ба майдон омад, 24 гол ба самар расонид ва 25 партофти голӣ ирсоли ҳамдастагон намуд.